“Real” və “Xetafe”dən inamlı qələbə - İcmal

İspaniya La Liqasında XXXIII tura yekun vurulub.

Qolat.com-un məlumatına görə, turun son günündə 5 qarşılaşma keçirilib.

“Real” öz meydanında “Atletik”i darmadağın edib. Madridlilərin hər üç qoluna Kərim Benzema imza atıb.

“Xetafe” də “Sevilya”nı üç qolla keçib. Çempionlar Liqasına vəsiqəyə daha bir iddialı – “Valensiya” isə Sevilyanın digər təmsilçisi “Betis”i məğlub edib.

“Vilyarreal” “Leqanes” üzərində qələbə ilə təhlükəli zonadan uzaqlaşıb. Günün yeganə heç-heçəsi hərəyə iki qol vuran “Levante” və “Espanyol”un görüşündə qeydə alınıb.

Qeyd edək ki, növbəti turun oyunları aprelin 23-25-də keçiriləcək.